Rapat Tahunan Anggota Penuh (RTAP) CUM ULIH ARIH ERSADA (UAE) GBKP Runggun BASAM Klasis Berastagi

            Ibas wari Kamis, 27 November 2014, ringan I GBKP Runggun Basam, ilakoken me Rapat Tahunan Anggota Penuh Credo Union Modifikasi (RTAP CUM) Ulih Arih Ersada. Ibenaken alu kebaktin singkat ibabai Pdt. Jonvianus Tarigan, pukul 15.00 wib singajuk kerina anggota penuh CUM Ulih Arih Ersada segelah ibas nggejapken pelayanen CUM itengah-tengah perpulungen tetap mengedepanken nilai-nilai pelayanen (diakonia) transformative. Alu perkembangen CUM Ulih Arih Ersada si genduari enggo teridah dingen tergejap jadi salah sada indicator ibas ngalo-ngalo tahun 2015 si jadi tahun peningkaten social,ekonomi ras budaya jemaat GBKP.

            Dung kebaktin, ilanjutken pengurus CUM ngogeken laporen perdalinen CUM Ulih Arih Ersada tahun pelayanen November 2013- Oktober 2014 si enggo isehken man anggota CUM. Anggota CUM 2013-2014 lit 178 kalak anggota, janah pelayanen Investasi si irealisasiken Buena Rp. 42.480.668. Susunen kepengurusen, 

Ketua                : Pt. Hotman Ginting, 

Sekretaris          : Pt. Mehamat Tarigan,

Wkl. Sekretaris : Pt. Ernawati Br Tarigan, 

Bendahara         : Dk. Mestina Br Ginting,

Tim Investasi    : Saini Br Sembiring,Heriyanti Br Sembiring, 

Pengawas          : Pt. Iman Barus, Pt. Mehamat Tarigan, Dkn.Perkuah Ate Br. Barus, 

Manager/pengelola : Pdt. Kristiani Br Tarigan, M.Th.

             Piga-piga hal si menarik ibas laporen RTAP CUM Ulih Arih Ersada maka lit anggota si la ngawan GBKP, CUM enggo ermitra ras panitia Pembangunan GBKP Runggun Basam ibas nampati Panitia guna dana renovasi GBKP Rg. Basam. Erbahan spanduk ucapan selamat Natal tahun 2014 ras tahun Baru 2015. Harapen arah pengurus, tim investasi bagepe Pengawas maka kerina anggota CUM lebih disiplin ibas mpepulung saham cash bagepe anggota si ber investasi tetap ertanggung jawab ibas ngulihken saham cash segelah banci ka ipergunaken anggota sideban guna nampati ibas mpegegehi modal usaha si produktif ras memperkecil investasi si macet/menunggak, janah Program pelayanen tahun 2015 eme erbahan RTL ceramah ras pelatihen pengukuren PH tanah (kursus man 10 kalak angota CUM ),erbahan kegiaten usaha kedai pupuk ras kebutuhen pertanian man anggota CUM.

            Dung tanggapen ras pengesahen laporen, ibahan kata sambuten, pesan ras kesan arah BP GBKP Runggun Basam, mewakili Anggota CUM si ngenehen maka pelayanen CUM tuhu-tuhu ngajari anggota CUM sikeleng-kelengen ras si sampat-sampaten alu dem tanggung jabab. bagepe arah Badan Pusat (BAPUS) CUM GBKP si iwakili Pdt. Jonvianus Tarigan ras Pdt. Miron Yedija Sitepu si nuriken piga-piga cataten tambahen kerna laporen pengurus CUM ras peseh pesan-pesan Diakonia arah BAPUS CUM GBKP khususna kerna situasi perkembangen ekonomi secara umum, nampati pengungsi erupsi Gunung Sinabung, persiapen ibas ngalo-ngalo tahun 2015 tahun peningkaten social ekonomi ras Budaya Jemaat ras pelaksanaan pasar Bebas masyarakat Asean tahun 2015.

            Ibas RTAP enda pe ilakoken lucky draw man anggota CUM ras dung e  ibagiken me Jasa saham cash,saldo pelayanen ras konsumsi si enggo isikapken pengurus CUM Ulih Arih Ersada.

            Badan Pusat CUM GBKP Ngucapken Selamat dan Sukses ibas pelaksanaan Rapat Tahunan Anggota Penuh CUM Ulih Arih Ersada GBKP Runggun Basam Klasis Berastagi. “Malem Ate Kalak si Melumbar Pepinjamken Dingen Bujur Ibas Kerina Urusen” (Mas.122:5). (Pdt.M Y.S,/Humas BAPUS CUM GBKP)