RAPAT TAHUNAN ANGGOTA PENUH (R.T.A.P) CREDO UNION MODIFIKASI (CUM) SEMPABU GBKP RUNGGUN TIGA JUMPA KLASIS BERASTAGI

Rapat Tahunan Anggota Penuh (R.T.A. P) CUM eme salah sada kegiaten si rutin ilakoken tep-tep tahun ibas pelayanen CUM GBKP, janah enda pe jadi salah sada indicator kondisi perdalinen CUM si lit. ibas kiniersadaan arih Pengurus CUM Sempabu ras anggota CUM maka  ibas wari kamis, 27 Februari 2014 ringan I Gedung GBKP Runggun Tiga Jumpa Klasis Berastagi, ilakoken Rapat Tahunan Anggota Penuh tahun buku pelayanen Februari 2013 s/d Januari 2014. 

Ibenaken pukul 16.00 wib ibenaken alu kebaktin si ibabai Pdt. Miron Yedija Sitepu, ngangkatken Turi-turin kerna nipi Raja Mesir kerna 7 lembu si mbur ras 7 lembu kertang si jadi symbol 7 tahun kemakmuran ras 7 tahun musim kemarau, tentu na iperluken kepentaren ras guna ngaturken segelah kune ibas paksa kemakmuran tetap harus metenget erkiteken lit ka nge paksa kelihen. Alu jadi anggota CUM iharapken terbentuklah watak ras karakter ibas ngaturken perduiten khususna alu semangat erdiakonia transformative.

Ibas RTAP enda pe ilakoken laporen pertanggungjawaben, evaluasi ras pemilihen Pengurus CUM SEMPABU GBKP Runggun Tiga Jumpa. Bagepe pengarahen arah Badan Pusat CUM GBKP (Pdt. Novita. H. Br Surbakti ras Pdt. Miron Sitepu) kerna perdalinen pelayanen CUM SEMPABU rikut ras  piga-piga cataten kerna laporen materi R.T.A.P si sangana berlangsung ras berita-berita arah BAPUS CUM nari.

Susunen Pengurus CUM SEMPABU GBKP Rg Tiga Jumpa eme :       

Penasehat           : BAPUS CUM GBKP

                             BP. GBKP Runggun Tiga Jumpa, 

Ketua                  : Pt. Indra Barus, 

Sekretaris           : Gary Baldi Barus, 

Wakil sekretaris : Risnawaty Br. Tarigan, 

Bendahara          : Lediana Br Ginting, W. 

Wakil Bendahara: Tarsim br Ginting, 

Tim Investasi      : Budiman ginting, Pt. Jesaya G. Ginting. 

Manager              : Pdt. Kristiani Feronita Br Tarigan, M.Th.

Ibas paksa si e pe ilakoken penyerahen bingkisen man pengurus CUM Sempabu si enggo ngelai ibas CUM Sempabu, janah harapen pe maka sedekah jadi pengurus CUM igejapkenna perkuah ras lias Ate Dibata.

Badan Pusat CUM GBKP ngucapken Selamat RTAP man pengurus ras Anggota CUM SEMPABU GBKP Rg Tiga Jumpa janah melala dengan man pekenan khususnya ibas “pengembangen ras penguaten (Empower)” perdalinen CUM GBKP sebagai bentuk perpanjangen Tangan pelayanen Gereja GBKP. SELAMAT MELAYANI.(Pdt. Miron Sitepu/Humas BAPUS CUM GBKP)