Rapat tahunan Anggota penuh CUM GBKP Klasis lau Baleng

RAPAT TAHUNAN ANGGOTA PENUH CREDO UNION MODIFIKASI (RTAP CUM) 

UNIT PELAYANAN GBKP KLASIS LAU BALENG

             Wari Jumat, 19 Juli 2013 si lewat, ingan I Kantor Klasis Lau Baleng ilakoken me Rapat Tahunan Anggota Penuh (RTAP) CUM Klasis Lau Baleng (KLB), awalna CUM enda ibahan arah tenah BP GBKP Klasis Lau Baleng bulan Desember 2010, janah alu sosialisasi arah Badan Pusat CUM GBKP eme Pdt. Mestika Nusantara Ginting ras Pdt. Jonvianus Tarigan I Gedung GBKP Runggun Perbulan maka kerina peserta paksa sie eme BP. GBKP Klasis Lau Baleng ras personalia GBKP ras keluarga erbahan sada kesimpulen ibahan me CUM ibas GBKP Klasis Lau Baleng.

            Ibas Bulan Februari 2011, alu itenahken Badan Pusat CUM GBKP reh guna erbahan RTAP si pemena, ibas paksa si e Pdt. Petros Abiatar Sitepu reh mewakili Badan Pusat CUM GBKP, ijelasken me gambaren kerna aturen ras Anggaren Dasar rikut Rumah Tangga CUM GBKP si enggo iaturken BAPUS CUM guna jadi pedoman iba pelayanen Diakonia transformatif. Maka ibenaken me pelayenen CUM GBKP I GBKP Klasis Lau Beleng alu menager/pengelola eme Pdt. Miron Yedija Sitepu alu susunen kepengurusen, eme :

Penasehat             : BAPUS CUM GBKP, BP. GBKP Klasis Lau Baleng

Pengawas CUM  : Ketua : Kabid Diakonia GBKP Klasis Lau baleng (Dkn. J. Br Sembiring)

Sekretaris            :  Pdt. Eduard S. Sembiring Kembaren

Ketua CUM        : Pt. Teopilus Sinulaki

Sekretaris            : Pdt. Junita Br Surbakti, S.Th

Bendahara           : Eva Junita Br Tarigan

Tim Investasi        : Pt. Sukat Sembiring Meliala, Pt. Liharman Saragih, Pdt. Jerry F. Sitepu, S.Th

               Aminna she ibas RTAP CUM Klasis Lau Baleng tahun 2013 enda jumlah anggota penuh 20 kalak denga, tapi igejapken anggota si enggo mpergunaken pelayanen diakonia Transformatif enda maka tersampati guna nambahi modal usaha produktif ras konsumtif. She ibas tahun 2013 enda enggo banci ikelola saham cash anggota Buena Rp. 62.219.000,-, alu penampat si enggo banci ibereken man anggota ibas investai Buena Rp. 185.500.000,- subuk alu program investasi regular/biasa, bagepe investasi priodik.

             Arapen anggota Ras pengurus pe maka CUM itengah-tengah GBKP Klasis Lau Baleng banci, janah gelah ergegehna nampati personalia GBKP she ku ngawan ni perpulungen. Ibas RTAP end ape icakapken kerna Anggaran Rumah Tangga CUM KLB, ras erbahan aksi social man anggota adi lit dukacita ntah pe sukacita. 

                Ibas RTAP enda pe Hadir utusen arah BAPU CUM nari eme Pdt. Novaldes Sembiring Colia ras Pdt. Miron Sitepu.RTAP enda itutup alu man ciger ras pembagian sisa hasil pelayenen ras jasa saham cash anggota.An. BADAN PUSAT CUM GBKP kami mengucapken selamat dan sukases atas terlaksananya Rapat Tahunan Anggota Penuh Credo Union Modifikasi (RTAP CUM) GBKP Unit Pelayanan Klasis Lau Baleng, Sukses selalu, Salam Tranformatif (humas Bapus CUM GBKP/Pdt.Miron Sitepu)