RAPAT TAHUNAN ANGGOTA PENUH (R.T.A.P) CREDO UNION MODIFIKASI ARIH ERSADA GBKP RUNGGUN RAYA

Wari Minggu, 29 September 2013 ringan I gedung GBKP Raya klasis Berastagi, Credo Union Modifikasi CUM Arih Ersada erbahan Rapat Tahunan Anggota Penuh (RTAP) tahun pelayanen September 2012 s/d Agustus 2013. RTAP CUM Arih Ersada enda eme RTAP si peduaken. Ibenaken pukul 12.30 wib alu erbahan Pertoton ipimpin BP.GBKP Rg Raya janah ilanjutken pengesahen RTAP CUM Arih Ersada oleh Ketua CUM Arih Ersada eme Karya Jaya Ginting. Ope denga ilanjutken Rapat Tahunan Anggota Penuh CUM Arih Ersada maka anggota ras-ras man ciger.

Ibas RTAP CUM Arih Ersada GBKP Runggun Raya enda hadir Unsur Pengurus CUM eme Ketua Karya Jaya Ginting, Wakil ketua : Asamta Depari, Sekretaris: Dkn. Jepri Kanna Pandia, Bendahara: Normal Kaban, Tim Investasi: Dkn. James Bangun, Elisabet Br Sembiring, Kartama Tarigan, Ester Br. Sebayang, Senantiasa Br Sitepu, Pengawas: Pt. Simon Ginting, Pt. Sehat Ginting, Pt. Em. Kehaganta Purba, Manager CUM eme Pdt. Juni Anti Br Sembiring, S.Si. Anggota CUM Arih Ersada enda eme Anggota Ngawan GBKP Rg Raya, janah lit ka hadir anggota CUM Arih Ersada si anggota gereja tetangga eme GPdi ras Agama Islam.

Arah laporen pengurus teridah lit peningkaten subuk arah saham cash/tabungan bagepe nilai Investasi si ilakoken anggota CUM Arih Ersada GBKP Rg Raya.Alu keanggotaan 122 kalak. Posisi saham cash she ibas bulan September 2013 buena Rp. 295.297.900,- janah nilai investasi anggota CUM Arih Ersada she bulan Agustus 2013 buena Rp. 191.464.700,- Alu batas plafon atas investasi eme Rp. 20.000.000,- Arah perdalinen pelayanen Diakonia Transformatif CUM Arih Ersada GBKP Rg Raya enda lit sisa hasil pelayanen Buena Rp. 16. 028.300,-. Janah rikut Anggaran Dasar CUM si iaturken Badan Pusat maka 50 % sisa hasil pelayenen e ibagiken man anggota Penuh CUM Arih Ersada.

Hal si unik arah CUM enda maka arah inisiatif ras kepedulian CUM Arih Ersada GBKP Raya Klasis Berastagi enda, maka Saham Cash si menjadi kas itamaken ku bas Rekening i BPR Pijer Podi Kekelengen cabang Berastagi. Hal enda tentuna erkiteken CUM arih Ersada end ape nggejapken tanggungjawabna ibas mendukung perdalinen pelayenen BPR-PPK. Umumna investasi ilakoken anggota CUM Arih Ersada eme investasi kesejahteraan/konsumtif ras investasi Produktif.

Arah uraian laporen Pengurus CUM Arih Ersada GBKP Runggun Raya, BP.GBKP Runggun Raya ibas kata sambutenna mengapresiasi perkembangan ras pengembangen CUM Arih Ersada enda guna mewarnai Pelayanen Dakonia Transformatif I wilayah GBKP Runggun Raya. Bagepe Manager CUM Raya Pdt. Juni Anti Br Sembiring ngataken bujur man Pengurus ras Anggota ibas dukungenna makeken CUM jadi perpanjangen tangan gereja ibas ngajari  anggota ras memulihken semangat kepercayaan sapih-sapih anggota CUM Arih Ersada GBKp Rg Raya.

Penasehat CUM Arih Ersada GBKP Rg Raya arah unsur Badan Pusat CUM GBKP si iwakili Pdt. Miron Yedija Sitepu ibas kesempaten mereken kata sambuten ras pengarahenna nuriken maka Credo Union Modifikasi ibahan guna mempercepat pendidiken pengelolaan modal, kerjasama ibas ngelolasa ras lit ulihna ibas perdalinen pelayanen CUM enda si banci inggejapken kerina anggota rikut jenis keanggotaanna, ndatken Jasa saham Cash, Sisa Hasil Pelayanen, Jasa lunas Investasi ras banci ka ndatken pelayanen investasi. Ibas RTAP enda pe melala masuken si membenagun ibereken Anggota penuh CUM Arih Ersada GBKP Rg Raya subuk kerna pelayanen pengurus bagepe segelah itingkatken kemampuan manager ras pengurus CUM Arih Ersada GBKP Raya, bagepe lit kata sambuten mewakili anggota CUM si dilaki ras si diberu

 Rapat Tahunan Aanggota Penuh enda dung pukul 15.30 wib janah itutup alu pertoton si ibabai Pdt. Noni Br Keliat. BAPUS CUM GBKP pe ngataken Selamat Rapat Tahunan Anggota Penuh CUM Arih Ersada GBKP Rg Raya si peduaken.Dibata. Si masu-masu. (Humas BAPUS CUM GBKP/Pdt. Miron Sitepu)      

Aksi Diakonia Credo Union Modifikasi (CUM) GBKP Man Pengungsi Erupsi Deleng Sinabung Tahun 2013

Ibas Awal bulan September 2013 si lewat ras-ras si eteh peristiwa erupsi Deleng Sinabung erbahan ribuan kalak senina ras turangta ngungsi ku posko-posko pengungsian si enggo isikapken. Ngenehen si e Badan Pusat Credo Union Modifikasi (BAPUS CUM) GBKP erbahan kordinasi ras himbauan man kerina Unit Credo Union Modifikasi GBKP guna ndukung bantuan man senina ras turangta si menjadi pengungsi subuk arah moril ras materil.

Emaka ibas wari Rabu, 25 September 2013, Badan Pusat CUM GBKP iwakili Pdt. Petros Abiatar Sitepu menyerahken bantuan man pengungsi Deleng Sinabung si ialoken Moderamen GBKP I Posko GBKP Klasis Kabanjahe alu bentuk sen Buena Rp. 4.200.000, alu perincian :

1.      CUM ANTIOKHIA GBKP KLASIS KABANJAHE-TIGA PANAH             Rp. 1.000.000,-

2.      CUM SADA ARIH GBKP RUNGGUN BAWANG                                       Rp. 1.000.000,-     

3.      CUM ANUGERAH MANDIRI GBKP BIDA AYU-BATAM                        Rp. 1.500.000,-

4.      CUM TAMARISKA GBKP RUNGGUN TIGA PANAH                              Rp.    300.000,-

5.      CUM DAIRI GBKP KLASIS DAIRI                                                             Rp.    200.000,-

6.      CUM KLASIS LAU BALENG GBKP KLASIS LAU BALENG                   Rp.    200.000,-

Arah berita enda pe Badan Pusat CUM GBKP ngataken Bujur man kerina Unit-Unit CUM GBKP si enggo muat bagin ibas mendukung bantuan guna pengungsi Erupsi Deleng Sinabung enda bagepe sekaligus ibas mendukung aksi diakonia GBKP ibas tep-tep kejadin. Bagepe man Unit-Unit CUM GBKP si atena muat bagin ibas aksi diakonia enda banci menghubungi Badan Pusat CUM GBKP Contak Person: Pdt. Petros Abiatar Sitepu (081370107905), Pdt. Miron Yedija Sitepu (081397513635). Dibata si masu-masu pelayanenta (Humas BAPUS CUM GBKP/Pdt.Miron Sitepu)